गजरा

पाहून  खिळता, चोरट्या नजरा
जेव्हा चंद्र माझा, माळतो गजरा

पसरून गंध, मोगरा फुलांचा
कसा श्वासाशी, खेळतो गजरा

न राहिला कुणी, सचेतनी, ध्यानी
कैफिने कैकांना, भाळतो गजरा

विसावतो स्वतः तिच्या केसांसवे
दुरून जीवाला जाळतो गजरा

- रुपेश तेलंग
०४-०५-२०१३

मोरपंखी

रुपेरी तराणे हवा मोरपंखी
तु लेउनी यावे छटा मोरपंखी

कपाळी अशा या रेखीव कमानी
नयनी नशिली कडा मोरपंखी

अलगद काया लहरी मौजेत
वाटे धरावे त्या करा मोरपंखी

गुंग मज करी स्वरांची स्वराली
कसा हा मिळावा गळा मोरपंखी

वळून बघावे बघून हसावे
घायाळ करते अदा मोरपंखी

- रुपेश तेलंग
०९-०५-२०१३