बुधवार, २८ डिसेंबर, २०२२

स्पर्श


स्पर्शास स्पर्शाची

अंमळ कामना

स्पर्शाने स्पर्शावी 

सहज भावना


स्पर्शाशी सांगवे 

गुढ मनीचे

स्पर्शून जाणावे 

गोप सुखाचे 

स्पर्श करी दुर 

उगाचा रुसवा

स्पर्शातून वाढे

सहृद ओलावा



- रुपेश तेलंग 
२८-१२-२०२२





येथे कोणत्याही टिप्पण्‍या नाहीत:

रविवार, २४ जुलै, २०२२

उंबरठ्या पाशी

जरा केशरी अन् पिवळी जराशी, 

पुन्हा सांज यावी उंबरठ्या पाशी


सुखे सर्व सोयी मनोमीत मित्र, 

जणू आप्त सारे उंबरठ्या पाशी


ऊजळोनी यावे भले दीप लक्ष, 

असो पणती एक उंबरठ्या पाशी


ना ना फुलझाडे बहरावी फुलांनी, 

छोटीशी तुळशी उंबरठ्या पाशी


डौल हा देखणा दावी वैभव घराचे, 

सुरेख नक्काशी उंबरठ्या पाशी


सुख सारे मिळुदे सार्या मनिषा, 

नांदुदे लक्ष्मी उंबरठ्या पाशी


आयु्रारोग्य पत प्रतिष्ठा समृद्धी, 

सुखाचे दिवस हे उंबरठ्या पाशी


- रुपेश तेलंग

२४-०७-२०२२


येथे कोणत्याही टिप्पण्‍या नाहीत:
याची सदस्यत्व घ्या: पोस्ट (Atom)

मी अन् तु

मी खवळलेला समुद्र, तू शांत किनारा तु नीटनेटकं घर मी अस्ताव्यस्त पसारा.  तु लयबद्ध पद्य मी रटाळ कथा तु मनजोगी ईच्छा मी नाहक व्यथा तु जुळलेला ...

  • होळी निमित्ताने
    होळी निमित्ताने कवितेत दंग मनातील व्यंग शोधूया का मग्न मीच आज कोण्या विचारात आवेश ओघात कसल्याशा माझेच मलाही कळेनासे झाले कोठे ह...
  • मी अन् तु
    मी खवळलेला समुद्र, तू शांत किनारा तु नीटनेटकं घर मी अस्ताव्यस्त पसारा.  तु लयबद्ध पद्य मी रटाळ कथा तु मनजोगी ईच्छा मी नाहक व्यथा तु जुळलेला ...
  • सारंग तु
    नभातला स्वैरवादी उडणारा पतंग तु फुलांतुनी फुलणारे ना ना विध रंग तु प्रभुचरणी अर्पिलेला अविट अभंग तु महोदधी विहरणारा दर्या सारंग तु सुरक्षा व...