तुला पाहतो मी

नभात ढगात, सरी वर्षावात

सदेही भिजत, तुला पाहतो मी 

नटून थटून समोर बसून

मला पाहताना तुला पाहतो मी

सुखात दुखात, कधी आसवात

हलू हुंदक्यात, तुला पाहतो मी 

घरी माझी माय, मला लावी जीव

तिच्या वात्सल्यात, तुला पाहतो मी

तुझी याद येता मी बेचैन होई

तरी बंद डोळ्या तुला पाहतो मी

कधी तू उगाचा धरिसी अबोला

मला छलताना तुला पाहतो मी

असे शब्द गोड मला सुचतात

वही लिहिताना तुला पाहतो मी

- रुपेश तेलंग

११-८-२०११