मंगळवार, १७ जुलै, २०१२

स्त्री

मम दर्शनी चैतन्य  
तना मनात बहर  
गात्रा गात्रात लावण्य  
नसा नसात लहर ||


कळवला अंतरंगी  
मम आचरणी माया  
मज नसे दुजाभाव  
नित्य विचारात दया ||


मुग्ध नयनांची ओल 
प्रेमे घालिते पाखर  
गोड लाघवीच बोल 
मृदू घालिती फुंकर ||


पार पाडी मी सत्वर  
सण सोहळे जागर  
सरस्वती लक्ष्मी मी तर 
मज सार्यांचा आदर ||


तरी नाळेचेच पुत  
धुंद लूटती बेहोश 
तात, मात, बंधू, गे  
सारे लावताती दोष ||


होते जगी नष्ट भ्रष्ट  
सती सावित्री सगूणा  
कधी लावण्या जोहार  
करी उद्यूग्न या मना ||


दीन दुबली अबला  
कोणी म्हणती हो नार  
जर नसते मी जगी 
होते जग हे निःसर ||


जग रहाटी ही उभी  
हा हा समस्त व्यवहार  
मम मायेतुन झुले  
अवघाची हा संसार ||


सहे स्त्रीच एकटी  
सारी पीडा सारा दर्द  
कूस जन्म तिची देते 
तेव्हा होती पैदा मर्द ||


पाळा दुधाचे महत्व  
ध्यानी राहून सतर्क  
जाणा सत्वदेचे सत्व 
नच उपेक्षु मज व्यर्थ ||


मूळ कवी - प्रकाशचंद्र तेलंग 
दि. 12 - 08 - 2009 

सोमवार, ७ मे, २०१२

तुझ्याविना ...

डोळ्यापुढे माझ्या
काळोख दाटते
अंधुक वाटते 
तुझ्याविना ...

जीवनाशी आता 
करून बहाणी 
जगतोय राणी 
तुझ्याविना ...

पैसा न संपत्ती
मिळते अमाप 
मना कैसा लाभ 
तुझ्याविना ...

गोड लागणारी 
लागता अळणी 
मराठी ती गाणी 
तुझ्याविना ...

निशेच्या मोहात 
विझलेले गात्र 
कसली ती रात्र 
तुझ्याविना ...

सारेच तुझ्याशी
हरलेलो आहे
जिंकू मग काय 
तुझ्याविना ...

- रुपेश तेलंग 
7 -5 -2012

सोमवार, १९ मार्च, २०१२

उगाचच...

विरहाचे दुःख
बाजूला सारत
लागलो परत
जगायला

हसरा भासतो
बाहेर जगाला
आनंद मनाला
क्वचितच

एकदा परत
मऊ मखमली
पदराची सावली
मिळेल का?

नेली हिरावून
जीवनाची गती
शोकांत ही किती
करायचे

आठवता तिला
लवते पापणी  
डोळ्यातून पाणी
टचकन

सांगतो रुपेश
प्रेम नका करू
जितेपणी मरू
उगाचच...


- रुपेश तेलंग
१६ - ३ - २०१२
  

शनिवार, ३ मार्च, २०१२

तो एक क्षण............

ज्या क्षणासाठी आलो आम्ही, तुम्ही
ज्या क्षणाचेच झालो आम्ही, तुम्ही
ज्या क्षणासाठी आहे हे जीवन
तो एक क्षण.....

ज्या क्षणी हळवतो मंद वारा
ज्या क्षणी पडतात पावसाच्या धारा
ज्या क्षणी मनाच्या दुभंगतात तारा
तो एक क्षण.....

ज्या क्षणी फुलतो हिरवा चाफा रानात
ज्या क्षणी हवा गाते मंजुळ संगीत कानात
ज्या क्षणी प्रेमांकुर फुटे आपल्या मनात
तो एक क्षण.....

ज्या क्षणी होत जाई काळे काळे हे आकाश
ज्या क्षणी होत जाई दिसेनासा हा प्रकाश
ज्या क्षणी असे जरा चंद्रोदया अवकाश
तो एक क्षण.....

ज्या क्षणी असे अपुल्या डोईवर नक्षत्र
ज्या क्षणी झोपण्यास सारे ठरतील पात्र
ज्या क्षणास सर्वमते म्हणतात कि हो रात्र
तो एक क्षण.....

- रुपेश तेलंग
३-३-२०१२

शनिवार, १८ फेब्रुवारी, २०१२

तुझ्या फोटो कडे बघून...

मन माझे बावरलेले
लक्ष नाही ठिकाणावर
कोठे नाही दुसरी कडे
फक्त तुझ्या ओठांवर||

नजर गेली हरून
समोर काहीच नसते
गालावरील खळी तुझ्या
सलतच मला दिसते ||

कान झाले बधीर
ऐकू काही येईना
तुझी मंजुळ हाक
डोक्यातून जाईना ||

झोप गेली उडून
फक्त तुलाच पाहतो
तुझ नाव लिहित
नुसता पडून राहतो ||

जीवन झाल एकाकी
गेलीस तू निघून
असाच जगत आहे
तुझ्या फोटो कडे बघून ||

मूळ कवी - अरुण झिंगुर्डे

गुरुवार, १६ फेब्रुवारी, २०१२

बघायचंय मला तुला — माझ्यावर प्रेम करताना !!!!

माझ्या गालावरची खळी तुझ्या ओठाआड़ दडताना
तुझ्याच प्रेमाच्या मोहात माझे प्रेम पडताना

माझा गेलेला तोल तू हलुवारपणे सावरताना
मनातला गोंधळ हलक्या स्पर्शाने आवरताना

तुझ्या बाहुपाशांत मी सुख-स्वप्नं रंगवताना
मावळत्या सुर्यालाही आशेचे किरण पांगवताना

दुरवर उभा राहून तू माझ्याकडे पाहून हसताना
मृगजळ असुनही सारं काही सत्यात भासताना

पोटातलं दुःख लपवुन ओठात हसू ठेवून वागताना
तरीही माझ्या सुखासाठी देवाकडे मागणं मागताना

पावसाच्या सरींच्या प्रेमात पडलेल्या चातका सारखं आनंदात न्हाताना
माझे दुखा:श्रुही तुझ्या आनंदात गातांना

माझी सारी स्वप्नं तुझ्याबरोबर पूर्ण झालेली पहातांना
सारी सुखं आपल्या समोर हात जोडून उभी राहतांना

- अज्ञात

सोमवार, १३ फेब्रुवारी, २०१२

पण कुणासाठी...???

ती नाकावरची फुली...
ते गोबरे गोबरे गाल...
ती हनुवटी वरील खळी...
त्या डौलदार बाजू..
ती नाजूक मनगट...
त्यावर ते रत्नजडीत चमचमत घड्याळ...
तो राजेशाही पोशाख...
ते पाणीदार डोळे...
ते नाजूक स्मित...
ते रेशमी केश...
त्यांना सावरणारा तो मेंदी ने भरलेला हात...
ती चंदेरी बिंदी..
ती लहरी सारखी लट...
त्यावर बसलेले ते सोनेरी फुलपाखरू...



... पण कुणासाठी..???


- रुपेश तेलंग 
१३-०२-२०१२

सोमवार, ९ जानेवारी, २०१२

Losing My Control

When the sun goes off, n Stars starts blinking.
stretching my arms, yawning, i starts thinking

In the dark dark night there is no voice aloud,
imagining her with me i am floating on the cloud

Her voice. her face, her attitude, her soul,
she's hypnotizing me,i am Losing my control

she has a gorgeous smile which is shining like a moon
her fluffy fluffy cheeks  just look like a balloon

the cool calm breeze tolerating her hair
those ding dong jewels are hanging on her ears

when she walks on the road whole world stare
talking about her so few is being much unfair

by the words she said the seen gets enchanted
she's the only thing in the world that i desperately wanted.

Her voice. her face, her attitude, her soul,
she's hypnotizing me, i am Losing my control



- Rupesh P. Telang
 Date 24-5-2009

शनिवार, ७ जानेवारी, २०१२

गर्व

तुझ्या चाहुलींचा कधी भास होतो
उगाचच सुगंधी पुन्हा श्वास होतो..

तुझे ओठ ओलावले आठवोनी
पुन्हा चुंबण्या मोह अधरांस होतो

तुझ्या पैजणांचा खुळावे इशारा
कसा बुद्धिचाही तिथे र्‍हास होतो

तुझे गाभुळूनी बहरणे नव्याने
शिशीरात गंधीत मधुमास होतो

उसळती कशा या उरातून लाटा
तुझ्या पौर्णिमेचाच आभास होतो

हृदय वाहिले मी तुझ्या पावलाशी
तुझा ध्यास घेतो, तुझा दास होतो

तुझी साथ मिळता मला जीवनी या
पहा गर्व माझ्या नशीबास होतो

- प्राजक्ता पटवर्धन

मी अन् तु

मी खवळलेला समुद्र, तू शांत किनारा तु नीटनेटकं घर मी अस्ताव्यस्त पसारा.  तु लयबद्ध पद्य मी रटाळ कथा तु मनजोगी ईच्छा मी नाहक व्यथा तु जुळलेला ...