कधी कधी

कधी पाठमोरे ऊन कोवळेसे 

कधी मंद लहरीं झुळावी जरासी

कधी तो असे केहरवा भारलेला 

कधी संथ सुरभी ती वेणू सुराशी 

कधी तीव्र संवादी क्षोभक मारा 

कधी गोठे शब्द अबोल जगाशी

कधी वागणे धुंद बेधुंद मौजी

कधी स्थिर स्थावर माझे मनाशी 

कधी मालूम गोप तिन्हीलोकीचे

कधी भुलते काय घडले मघाशी 

कधी सांगी उपदेश नाना परीचे

कधी चुकतां मीच हसतो स्वत:शी 

कधी धीर गंभीर सावध वाचा 

कधी खुप नाजुक रुपे मनाशी 

कधी साथीला साजिरे विश्व सारे 

कधी शांत एकांत मी स्व:गुणाशी 

- रुपेश तेलंग

१०-०३-२०१८

मनरमणी

॥ श्री रुपेश उवाच ॥

प्रसन्नवदना रसिका ललना मनरमणी
सुहासिनी सुखदात्री तु चैतन्यदाईनी

प्रगल्भ विचारयुक्तां स्फुट संवादिनी
सुमधुर मधाळ गोड पियुषरस वाणी

मुखचंद्र कोमल नाजुक तलमस्पर्शपाणि
सुगंधीत कुमारी तनु कस्तुरी सुवासिनी

सुंदर साज लेऊन गुंफली केशवेणी
दिसावा मीच या शांत शीतल लोचनी

छळवादी चंचल उडवित ओंजळ पाणी 
सखी प्रियतमा अर्धांगिनी तु मनमोहिनी

- रुपेश तेलंग
२२-०८-२०१५

तुझा कप...

जेव्हा दोन्ही हातांच्या ओंजळीत पकडशील
तेव्हा ती उब तुला माझी आठवण देईल
जवळ नेऊन ओठांचा स्पर्श करशील
तेव्हा माझ्या स्पर्शाची आठवण होईल
जेव्हा त्यातल घोटभर पिशील
तेव्हा तो घोट घोट गोडवा तुझ्या आयुष्यात विरेल
तळाशी न विरघळलेली साखर पाहशील
ते असेल संचित आपल्या प्रेमाच

- रुपेश तेलंग
१६-०८-२०१४

मोरपंखी

रुपेरी तराणे हवा मोरपंखी
तु लेउनी यावे छटा मोरपंखी

कपाळी अशा या रेखीव कमानी
नयनी नशिली कडा मोरपंखी

अलगद काया लहरी मौजेत
वाटे धरावे त्या करा मोरपंखी

गुंग मज करी स्वरांची स्वराली
कसा हा मिळावा गळा मोरपंखी

वळून बघावे बघून हसावे
घायाळ करते अदा मोरपंखी

- रुपेश तेलंग
०९-०५-२०१३

तो एक क्षण............

ज्या क्षणासाठी आलो आम्ही, तुम्ही
ज्या क्षणाचेच झालो आम्ही, तुम्ही
ज्या क्षणासाठी आहे हे जीवन
तो एक क्षण.....

ज्या क्षणी हळवतो मंद वारा
ज्या क्षणी पडतात पावसाच्या धारा
ज्या क्षणी मनाच्या दुभंगतात तारा
तो एक क्षण.....

ज्या क्षणी फुलतो हिरवा चाफा रानात
ज्या क्षणी हवा गाते मंजुळ संगीत कानात
ज्या क्षणी प्रेमांकुर फुटे आपल्या मनात
तो एक क्षण.....

ज्या क्षणी होत जाई काळे काळे हे आकाश
ज्या क्षणी होत जाई दिसेनासा हा प्रकाश
ज्या क्षणी असे जरा चंद्रोदया अवकाश
तो एक क्षण.....

ज्या क्षणी असे अपुल्या डोईवर नक्षत्र
ज्या क्षणी झोपण्यास सारे ठरतील पात्र
ज्या क्षणास सर्वमते म्हणतात कि हो रात्र
तो एक क्षण.....

- रुपेश तेलंग
३-३-२०१२

क्रिकेटचा युवराज

क्रिकेटचा युवराज 

आहे तू क्रिकेटचा युवराज

फलंदाज तव जैसा नाही 

गोलंदाजी मज लागे सही 

जणू एक अष्टपैलू सरताज

आहे तू क्रिकेटचा युवराज 

ponting चा तर रंग उडाला

stuart broad मायदेशी पळाला

उतरविला Afridi चा माज

आहे तू क्रिकेटचा युवराज 

पाहून झालो हक्के बक्के 

एकाच षटकात सहा सहा छक्के 

पुन्हा होऊन जाऊदे आज

आहे तू क्रिकेटचा युवराज 

रुपेश तेलंग, जळ्गाव.

- दि . २६ - ०३ - २०११

पक्ष्यांची शाळा.....

नाक्यावरल्या खांबवर भरते पक्ष्यांची शाळा
रोज वर्ग भरतो त्यांचा मावळतिच्या वेळा

अनंत आकाशात उडतो तो विशलकाय थवा
एकसंगतीतून त्यांच्या काही बोध घ्यायला हवा

'एकतेचे बळ' या पक्ष्यांनीच शिकवलेले
आपण मात्र याचे फक्त धडेच गिरवलेले

त्यांनी अंगीकारलेला तो एकात्मतेचा बाणा
जो तो टिपतो फक्त एक एकाच दाणा

आभाळस भिडणारी त्यांची ऊंच ...ती भरारी
रोजच लक्ष भेदण्याची त्यांची तह्र न्यारी

दिवसभर आकाशी तो थवा उडतो
फुटिरवादी रांग तोडून एक ही नाही पळतो.

जरी दिवसा असतो त्यांचा शिवाशीवीचा खेळ
तरी रात्री चुकत नाही त्यांची परतण्याची वेळ

रात्री जेव्हा सगळ जग असत अगदी शांत
घरट्यात अपूल्या तेही झोपतात निवांत

या पक्ष्यांच्या चिवचिवाटानेच रोज होते माझी सकाळ
पक्षी निरीक्षणात रोज मी गुंततो काही काळ

एकसंघ एकत्र उडणारे हे पक्षी
राष्ट्रीय एकत्मतेचे बनतील साक्षी

नभ ही रंगून जाते या पक्ष्यांच्या रंगात
पाहून नाव चैतन्य भरे माझ्या अंगाअंगात

अरे माणसांनो तुम्हीही पक्षी धर्म पाळा
अस बरच काही सांगते मला पक्ष्यांची शाळा.....


- रुपेश तेलंग
दि २७ - ०२ - २०११