गजरा

पाहून  खिळता, चोरट्या नजरा
जेव्हा चंद्र माझा, माळतो गजरा

पसरून गंध, मोगरा फुलांचा
कसा श्वासाशी, खेळतो गजरा

न राहिला कुणी, सचेतनी, ध्यानी
कैफिने कैकांना, भाळतो गजरा

विसावतो स्वतः तिच्या केसांसवे
दुरून जीवाला जाळतो गजरा

- रुपेश तेलंग
०४-०५-२०१३

मोरपंखी

रुपेरी तराणे हवा मोरपंखी
तु लेउनी यावे छटा मोरपंखी

कपाळी अशा या रेखीव कमानी
नयनी नशिली कडा मोरपंखी

अलगद काया लहरी मौजेत
वाटे धरावे त्या करा मोरपंखी

गुंग मज करी स्वरांची स्वराली
कसा हा मिळावा गळा मोरपंखी

वळून बघावे बघून हसावे
घायाळ करते अदा मोरपंखी

- रुपेश तेलंग
०९-०५-२०१३

भरती ओहोटी

प्रेमाचिया कळा

सारांश सगळा

ओठा ओठी 

- रूपेश

प्रयत्न

पाहिले मी तिला

हिरव्या रंगात

आनंद डोहात

न्हाह्लेली

नाजूकसे स्मित

केश काळेशार

नजरेचा वार

साहवेना

बोलण्यात तिच्या 

अदा आगळीक 

वाटे जवळीक 

साधाविशी

कालच्या सांजेला 

आली ती सजून

लाजली हसून 

बोलताना

तिच्या प्रतीक्षेचे

जाह्लेची यत्न

भेटीचे प्रयत्न

करावे का.?

- रुपेश तेलंग
१९ - मार्च - २०१३

स्त्री

मम दर्शनी चैतन्य  

तना मनात बहर  

गात्रा गात्रात लावण्य  

नसा नसात लहर ||


कळवला अंतरंगी  

मम आचरणी माया  

मज नसे दुजाभाव  

नित्य विचारात दया ||


मुग्ध नयनांची ओल 

प्रेमे घालिते पाखर  

गोड लाघवीच बोल 

मृदू घालिती फुंकर ||


पार पाडी मी सत्वर  

सण सोहळे जागर  

सरस्वती लक्ष्मी मी तर 

मज सार्यांचा आदर ||


तरी नाळेचेच पुत  

धुंद लूटती बेहोश 

तात, मात, बंधू, सगे  

सारे लावताती दोष ||


होते जगी नष्ट भ्रष्ट  

सती सावित्री सगूणा  

कधी लावण्या जोहार  

करी उद्यूग्न या मना ||


दीन दुबली अबला  

कोणी म्हणती हो नार  

जर नसते मी जगी 

होते जग हे निःसर ||


जग रहाटी ही उभी  

हा हा समस्त व्यवहार  

मम मायेतुन झुले  

अवघाची हा संसार ||


सहे स्त्रीच एकटी  

सारी पीडा सारा दर्द  

कूस जन्म तिची देते 

तेव्हा होती पैदा मर्द ||


पाळा दुधाचे महत्व  

ध्यानी राहून सतर्क  

जाणा सत्वदेचे सत्व 

नच उपेक्षु मज व्यर्थ ||


मूळ कवी - प्रकाशचंद्र तेलंग 

दि. 12 - 08 - 2009 

तुझ्याविना ...

डोळ्यापुढे माझ्या

काळोख दाटते

अंधुक वाटते 

तुझ्याविना ...

जीवनाशी आता 

करून बहाणी 

जगतोय राणी 

तुझ्याविना ...

पैसा न संपत्ती

मिळते अमाप 

मना कैसा लाभ 

तुझ्याविना ...

गोड लागणारी 

लागता अळणी 

मराठी ती गाणी 

तुझ्याविना ...

निशेच्या मोहात 

विझलेले गात्र 

कसली ती रात्र 

तुझ्याविना ...

सारेच तुझ्याशी

हरलेलो आहे

जिंकू मग काय 

तुझ्याविना ...

- रुपेश तेलंग 

7 -5 -2012

उगाचच...

विरहाचे दुःख
बाजूला सारत
लागलो परत
जगायला

हसरा भासतो
बाहेर जगाला
आनंद मनाला
क्वचितच

एकदा परत
मऊ मखमली
पदराची सावली
मिळेल का?

नेली हिरावून
जीवनाची गती
शोकांत ही किती
करायचे

आठवता तिला
लवते पापणी  
डोळ्यातून पाणी
टचकन

सांगतो रुपेश
प्रेम नका करू
जितेपणी मरू
उगाचच...


- रुपेश तेलंग
१६ - ३ - २०१२